Os profesores Alexandre Sotelino Losada e David García Romero, membros do GI-Esculca da Universidade de Santiago de Compostela, participaron recentemente como docentes no curso “Introdución á Aprendizaxe-Servizo no ensino superior”, organizado polo Centro de Posgrao e Formación Permanente da Universidade de Vigo.
A acción formativa, dirixida ao profesorado universitario, centrouse nos fundamentos, deseño e avaliación de proxectos de Aprendizaxe-Servizo, contribuíndo á promoción desta metodoloxía como ferramenta de innovación docente e de fortalecemento do compromiso social da universidade.