Novas do GI Esculca

O GI ESCULCA participa na IV Xornada Interuniversitaria Galega de Innovación Docente

23 Outubro 2026
Categorías: Novas

Geno Rodríguez e Alba Oliveira participaron o pasado 22 de outubro de 2026 na IV Xornada Interuniversitaria Galega de Innovación Docente, celebrada na Escola Técnica Superior de Arquitectura (ETSAC) da Universidade da Coruña (UDC), no campus da Zapateira.

A súa participación tivo como obxectivo presentar o grupo de investigación GI ESCULCA á comunidade universitaria, no marco da mesa redonda «Pílulas de boas prácticas no marco dos grupos de innovación docente».

Durante a xornada, Geno Rodríguez e Alba Oliveira tiveron a oportunidade de dar a coñecer o traballo desenvolvido a través do proxecto «Pausas activas e rutinas de movemento en Educación Infantil: impacto no desenvolvemento físico, mental e social no CRA de Dodro-Padrón».

Esta iniciativa céntrase na incorporación de pausas activas e rutinas de movemento na etapa de Educación Infantil, así como no estudo do seu impacto no desenvolvemento físico, mental e social do alumnado. A presentación permitiu compartir a experiencia desenvolvida no CRA de Dodro-Padrón e dar visibilidade a propostas de innovación docente orientadas a favorecer o benestar e o desenvolvemento integral dos nenos e nenas desde as primeiras etapas educativas.

A participación nesta xornada constitúe unha oportunidade para compartir experiencias, intercambiar boas prácticas e dar visibilidade ao labor de innovación docente do GI ESCULCA, contribuíndo ao diálogo e á colaboración entre os distintos grupos da comunidade universitaria galega.