Grupo de Investigación ESCULCA

Proxecto cofinanciado polo Programa Erasmus+ da Unión Europea no que a acción está centrada nas personas migrantes/refuxiadas en Europa que traballarán conxuntamente cos e coas estudantes da Universidade para identificar necesidades, formular accións, e involucrarse nun proceso de reciprocidade formativa e innovación social, a través da aprendizaxe-servizo.

O Proxecto "Como lograr unha implicación familiar na educación desde a escola. A efectividade dun programa de formación para mestres e mestras de educación primaria", que responde ao acrónimo Implicado2+, é un traballo que incide sobre como a escola pode promover a implicación familiar e establecer relacións que favorezan e enriquezan o proceso educativo dos nenos e nenas.

Este é un proxecto que está financiado polo Ministerio de Ciencia Innovación en convocatoria competitiva, no marco do Programa Estatal para Impulsar a Investigación Científico-Técnica e a súa Transferencia, dentro do Plan Estatal de Investigación Científica, Técnica e de Innovación 2021-2023.

O proxecto "Las mujeres gitanas y su capital social: los Fondos de Conocimiento como vía de optimización" (MG-FdC) é unha investigación de carácter cualitativo que busca recoñecer, visibilizar e poñer en valor os saberes e prácticas das mulleres xitanas desde unha perspectiva interseccional. A través do enfoque dos fondos de coñecemento e metodoloxías como as historias de vida e entrevistas, o proxecto pretende recoller as voces de mulleres xitanas de diferentes xeracións para lexitimar un corpo de coñecementos historicamente invisibilizados.